SIKHI DA DARSHAN

'ਫ਼ਾਸ਼ ਹੁੰਦੇ ਪਰਦੇ'
ਹਰਦੇਵ ਸਿੰਘ

ਪੰਥ ਪ੍ਰਵਾਣਤ ਸਿੱਖ ਰਹਿਤ ਮਰਿਆਦਾ ਦੇ ਆਰੰਭ ਵਿਚ ਇਹ ਸੂਚਨਾ ਦਰਜ ਹੈ:-
"ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਰੁਹ-ਰੀਤ ਸਬ-ਕਮੇਟੀ ਵਲੋਂ ਰੁਹ-ਰੀਤ ਦੇ ਖਰੜੇ ਦੀ ਪ੍ਰਵਾਨਗੀ 'ਸਰਬ ਹਿੰਦ ਸਿੱਖ ਮਿਸ਼ਨ ਬੋਰਡ'ਨੇ ਆਪਣੇ ਮਤਾ ਨੰਬਰ ੧,ਮਿਤੀ ੧-੮-੧੯੩੬ ਰਾਹੀਂ ਅਤੇ ਸ਼੍ਰੋਮਣੀ ਗੁ:ਪ੍ਰ: ਕਮੇਟੀ ਨੇ ਆਪਣੇ ਮਤਾ ਨੰਬਰ ੧੪੯, ਮਿਤੀ ੧੨.੧੦.੧੯੩੬ ਦੁਆਰਾ ਦਿੱਤੀ ਅਤੇ ਮੁੜ ਸ਼੍ਰੋਮਣੀ ਗੁ:ਪ੍ਰ: ਕਮੇਟੀ ਦੀ 'ਧਾਰਮਿਕ ਸਲਾਹਕਾਰ ਕਮੇਟੀ' ਨੇ ਆਪਣੀ ਇੱਕਤਰਤਾ ਮਿਤੀ ੭-੧-੧੯੪੫ ਵਿਖੇ ਇਸ ਨੂੰ ਵਿਚਾਰ ਕੇ ਇਸ ਵਿਚ ਕੁਝ ਵਾਧੇ ਘਾਟੇ ਕਰਨ ਦੀ ਸਿਫਾਰਿਸ਼ ਕੀਤੀ।ਧਾਰਮਕ ਸਲਾਹਕਾਰ ਕਮੇਟੀ ਦੀ ਇਸ ਇਕੱਤਰਤਾ ਵਿਚ ਹੇਠ ਲਿਖੇ ਸੱਜਣ ਹਾਜ਼ਰ ਸਨ:-

(੧) ਸਿੰਘ ਸਾਹਿਬ ਜਥੇਦਾਰ ਮੋਹਨ ਸਿੰਘ ਜੀ, ਜੱਥੇਦਾਰ ਅਕਾਲ ਤਖ਼ਤ ਸਾਹਿਬ।
(੨) ਭਾਈ ਸਾਹਿਬ ਅੱਛਰ ਸਿੰਘ ਜੀ, ਹੈੱਡ ਗ੍ਰੰਥੀ, ਸ਼੍ਰੀ ਦਰਬਾਰ ਸਾਹਿਬ,ਅੰਮ੍ਰਿਤਸਰ।
(੩) ਪ੍ਰੋ. ਤੇਜਾ ਸਿੰਘ ਜੀ ਐਮ.ਏ., ਖਾਲਸਾ ਕਾਲਜ, ਅੰਮ੍ਰਿਤਸਰ
(੪) ਪ੍ਰੋ. ਗੰਗਾ ਸਿੰਘ ਜੀ, ਪ੍ਰਿਸੀਪਲ, ਸ਼ਹੀਦ ਸਿੱਖ ਮਿਸ਼ਨਰੀ ਕਾਲਜ, ਅੰਮ੍ਰਿਤਸਰ।
(੫) ਗਿਆਨੀ ਲਾਲ ਸਿੰਘ ਜੀ ਐਮ.ਏ., ਪ੍ਰੋਫੈਸਰ ਸ਼ਹੀਦ ਸਿੱਖ ਮਿਸ਼ਨਰੀ ਕਾਲਜ, ਅੰਮ੍ਰਿਤਸਰ।
(੬) ਪ੍ਰੋ.ਸ਼ੇਰ ਸਿੰਘ ਜੀ ਐਮ.ਐਸ.ਸੀ, ਗੌਰਮਿੰਟ ਕਾਲਜ, ਲੁਧਿਆਨਾ।
(੭) ਬਾਵਾ ਪ੍ਰੇਮ ਸਿੰਘ ਜੀ ਹੇਤੀ,(ਪ੍ਰਸਿੱਧ ਹਿਸਟੋਰਿਅਨ)।
(੮) ਗਿਆਨੀ ਬਾਦਲ ਸਿੰਘ ਜੀ, ਇੰਚਾਰਜ ਸਿੱਖ ਮਿਸ਼ਨ ਹਾਪੜ।
 
ਧਾਰਮਿਕ ਸਲਾਹਕਾਰ ਕਮੇਟੀ ਦੀ ਸਿਫਾਰਸ਼ ਅਨੁਸਾਰ ਇਸ ਵਿੱਚ ਵਾਧਾ ਘਾਟਾ ਕਰਨ ਦੀ ਪ੍ਰਵਾਨਗੀ ਸ਼੍ਰੋਮਣੀ ਗੁ: ਪ੍ਰ: ਕਮੇਟੀ ਨੇ ਆਪਣੀ ਇਕੱਤ੍ਰਤਾ ਮਿਤੀ ੩-੨.੧੯੪੫ ਦੇ ਮਤਾ ਨੰਬਰ ੯੭ ਰਾਹੀਂ ਦਿੱਤੀ"

ਕੁਝ ਸੱਜਣਾ ਵਲੋਂ ਇਹ ਪ੍ਰਚਾਰਿਆ ਜਾਂਦਾ ਹੈ ਕਿ ੧੯੩੬ ਵਿਚ ਬਣੇ ਖਰੜੇ ਨੂੰ ੧੯੪੫ ਵਿਚ ਸਮਝੌਤਾਵਾਦੀ ਪਹੁੰਚ ਦੇ ਅਧੀਨ ਬਦਲ ਦਿੱਤਾ ਗਿਆ ਸੀ।ਇਸ ਪ੍ਰਚਾਰ ਦਾ ਅਧਾਰ ਸ਼ਾਯਦ ਉਪਰੋਕਤ ਸੂਚਨਾ ਵਿਚ ਵਰਤੇ "ਵਾਧੇ ਘਾਟੇ" ਸ਼ਬਦਾਂ ਨੂੰ ਲੇ ਖੜੇ ਕੀਤੇ ਕਿਆਸਾਂ ਦੇ ਪਰਦੇ ਹਨ।
ਇਸ ਵਿੱਚ ਸ਼ੱਕ ਨਹੀਂ ਬੱਚਦਾ ਕਿ ੦੭.੦੧ ੧੯੪੫ ਵਿਚ ਵਾਧੇ ਘਾਟੇ ਹੋਏ ਸੀ।ਨਾਲ ਹੀ ਸਪਸ਼ਟ ਹੁੰਦਾ ਹੈ ਕਿ ਇਨਾਂ੍ਹ ਵਾਧੇ ਘਾਟਿਆਂ ਨੂੰ ਕਰਨ ਵਾਲੇ ਉਪਰੋਕਤ ਲਿਖੇ ਵਿਦਵਾਨ ਸਨ ਜਿਨਾਂ੍ਹ ੧੯੩੬ ਦੇ ਖਰੜੇ ਵਿਚ  ੧੯੪੫ ਨੂੰ ਵਾਧੇ ਘਾਟੇ ਕੀਤੇ ਅਤੇ ਜਿਨਾਂ੍ਹ ਦੀ ਸਿਫਾਰਿਸ਼ ਨੂੰ ਸ਼੍ਰੋਮਣੀ ਗੁ:ਪ੍ਰ: ਕਮੇਟੀ ਨੇ ਆਪਣੀ ਇਕੱਤਰਤਾ ਮਿਤੀ ੩.੨.੧੯੪੫ ਵਿਚ ਮਤਾ ਨੰ: ੯੭ ਰਾਹੀਂ ਪ੍ਰਵਾਨਗੀ ਦਿੱਤੀ।ਇਹ ਤੱਥ ਅਸੀਂ ਉਪਰ ਪੜ ਆਏ ਹਾਂ।
ਹੁਣ ਸਵਾਲ ਇਹ ਹੈ ਕਿ ਉਹ ਕਿਹੜੇ 'ਵਾਧੇ ਘਾਟੇ' ਸੀ ਜਿਨਾਂ੍ਹ ਨੂੰ ਅੱਜ, ਕੁੱਝ ਸੱਜਣਾ ਵਲੋਂ ਇੱਕ ਸਾਜਸ਼/ਸਮਝੋਤਾਵਾਦ ਦੇ ਨਾਮ ਨਾਲ ਪ੍ਰਚਾਰਿਆ ਜਾ ਰਿਹਾ ਹੈ? ਇਸ ਸਵਾਲ ਦੇ ਜਵਾਬ ਨੂੰ ਲੱਭਣ ਲਈ ਦਾਸ ਨੂੰ ਮਹਨਤ ਕਰਨੀ ਪਈ।ਜ਼ਾਹਰ ਜਿਹੀ ਗਲ ਹੈ ਕਿ ਇਸਦਾ ਜਵਾਬ ਤਾਂ ਮਿਤੀ ੦੭.੦੧.੧੯੪੫ ਨੂੰ ਧਾਰਮਿਕ ਸਲਾਹਕਾਰ ਕਮੇਟੀ ਦੀ ਹੋਈ ਇਕੱਤਰਤਾ ਦੀ ਕਾਰਵਾਈ ਤੋਂ ਹੀ ਪਤਾ ਚਲ ਸਕਦਾ ਸੀ।ਇਸ ਬਾਰੇ ਆਪਣੀ ਪੜਤਾਲ ਤੋਂ ਪ੍ਰਾਪਤ ਹੋਈ ਜਾਣਕਾਰੀ ਉਪਰੰਤ ਦਾਸ ਉਸ ਦਿਨ ਦੀ ਮੀਟਿੰਗ ਵਿਚ ਰਹਿਤ ਮਰਿਆਦਾ ਦੀਆਂ ਮੱਧਾ ਵਿਚ ਕੀਤੇ ਗਏ ਵਾਧੇ-ਘਾਟਿਆਂ ਸਬੰਧਤ ਕਾਰਵਾਈ/ਫ਼ੈਸਲਿਆਂ ਦੀ ਸੂਚਨਾ ਪਾਠਕਾਂ ਦੀ ਜਾਣਕਾਰੀ ਲਈ ਦੇ ਰਿਹਾ ਹੈ ਜੋ ਕਿ ਇਸ ਪ੍ਰਕਾਰ ਹੈ:-

" ਸ਼੍ਰੋ: ਗੁ:ਪ੍ਰ: ਕਮੇਟੀ ਵਲੋਂ ਛਪੀ ਰਹਿਤ ਮਰਿਯਾਦਾ ਕੁਝ ਕੁ ਵਾਧੇ ਘਾਟੇ ਕਰਨ ਸਬੰਧੀ ਧਾਰਮਿਕ ਸਾਲਹਕਾਰ ਕਮੇਟੀ ਦਾ ਮਤਾ ਨੰ: ੧ ਮਿਤੀ ੨੮.ਜੁਲਾਈ ੧੯੪੪ ਦੁਬਾਰਾ ਵਿਚਾਰ ਲਈ ਪੇਸ਼ ਹੋ ਕੇ ਪ੍ਰਵਾਨ ਹੋਇਆ ਕਿ ਰਹਿਤ ਮਰਿਆਦਾ ਵਿਚ ਹੇਠ ਲਿਖੇ ਅਨੁਸਾਰ ਵਾਧੇ ਘਾਟੇ ਕਰਨ ਦੀ ਸਿਫਾਰਿਸ਼ ਕੀਤੀ ਜਾਂਦੀ ਹੈ:-
(੧) ਨਾਮ ਬਾਣੀ ਦਾ ਅਭਿਆਸ: ਹੇਠ ਸੋਦਰ ਰਹਿਰਾਸ ਦੇ ਹੈਡਿੰਗ ਹੇਠ ਲਫ਼ਜ਼ 'ਦੁਸ਼ਟ ਦੋਖ ਤੇ ਲੇਹੁ ਬਚਾਈ'ਤਕ ਅਤੇ ਲਫ਼ਜ਼ 'ਅਨੰਦ ਦੀਆਂ ਪਹਿਲਿਆਂ ਪੰਜ ਪਾਉੜੀਆਂ ਵਿਚਾਲੇ ਸਵਯਾ ਪਾਇ ਗਹੇ ਜਬ ਤੇ ਤੁਮਹਰੇ ਅਤੇ ਦੋਹਰਾ ਸਗਲ ਦੁਆਰ ਕੋ ਛਾਡਕੇ ਵਧਾਏ ਜਾਣ ਅਤੇ "ਆਨੰਦ ਦੀਆਂ ਪਹਿਲੀਆਂ ਪੰਜ ਪਾਉੜੀਆਂ ਤੇ ਅੰਤਲੀ ਇਕ ਪਾਉੜੀ ਦੇ ਅਗੇ ਲਫ਼ਜ਼ ਮੁੰਦਾਵਣੀ ਤੇ "ਸਲੋਕ ਮਹਲਾ ੫ ਤੇਰਾ ਕੀਤਾ ਜਾਤੋ ਨਾਹੀ ਵਧਾਏ ਜਾਣ।
(੨) ਹੈਡਿੰਗ ਗੁਰਦੁਆਰੇ ਦੇ ਅੰਕ (e) ਵਿਚ 'ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਦੇਹ ਨੂੰ ਸੰਭਾਲ ਕੇ ਪ੍ਰਕਾਸ਼ਣ ਲਈ" ਵਿਚੋਂ ਲਫ਼ਜ਼ 'ਦੀ ਦੇਹ' ਕਟ ਦਿੱਤੇ ਜਾਣ।
(੩) ਹੈਡਿੰਗ ਗੁਰਦੁਆਰੇ ਦੇ ਅੰਕ (ਕ) ਵਿਚ ਲਫ਼ਜ਼ "ਬਨਾਣੀਆਂ ਜਾਂ ਰਖਣੀਆਂ ਅਤੇ 'ਇਹੇ ਜਿਹੇ ਕਰਮ' ਵਿਚ ਲਫ਼ਜ਼ ਗੁਰੂ ਸਾਹਿਬਾਨ ਜਾਂ ਸਿੱਖ ਬਜ਼ੁਰਗਾਂ ਦੀਆਂ ਤਸਵੀਰਾਂ ਅਗੇ ਮਥੇ ਟੇਕਣੇ ਵਧਾ ਦਿਤੇ ਜਾਣ।
(੪) ਹੈਡਿੰਗ ਗੁਰਦੁਆਰੇ ਦੇ ਅੰਕ (ਫ) ਵਿਚੋਂ ਲਫ਼ਜ਼ 'ਸਿਰ ਨਿਵਾ ਕੇ' ਕਟ ਦਿਤੇ ਜਾਣ।
(੫) ਹੈਡਿੰਗ ਗੁਰਦੁਆਰੇ ਦੇ ਅੰਕ (ਖ) ਵਿਚ ਜਿਥੇ ਲਫ਼ਜ਼ 'ਅਸਵਾਰਾ ਸਾਹਿਬ' ਆਉਂਦੇ ਹਨ ਉਥੇ-ਉਥੇ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਕਰ ਦਿੱਤਾ ਜਾਵੇ।
(੬) ਹੈਡਿੰਗ ਗੁਰਦੁਆਰੇ ਦੇ ਅੰਕ (ਢ) ਵਿਚ ਅਖੀਰੀ ਲਾਇਨ ਵਿਚ ਲਫ਼ਜ਼ "ਲੋਹੇ ਦਾ" ਅਤੇ ਲਫ਼ਜ਼ "ਖੰਡਾ ਹੋਵੇ" ਵਿਚਾਲੇ ਲਫ਼ਜ਼ "ਭਾਲਾ ਜਾਂ" ਵਧਾ ਦਿਤੇ ਜਾਣ।
(੭) ਹੈਡਿੰਗ ਗੁਰਦੁਆਰੇ ਦੇ ਅਕੀਰ ਵਿਚ ਹੇਠ ਲਿਖਿਆ ਅੰਕ (ਣ) ਵਧਾ ਦਿੱਤਾ ਜਾਵੇ। (ਣ) ਗੁਰਦੁਆਰੇ ਵਿਚ ਨਗਾਰਾ ਹੋਵੇ ਜੋ ਸਮੇਂ ਸਿਰ ਵਜਾਇਆ ਜਾਵੇ।
(੮) ਹੈਡਿੰਗ ਅਖੰਡ ਪਾਠ ਦੇ ਅੰਕ (e) ਵਿਚ 'ਜੋਤ' ਤੇ ਲਫ਼ਜ਼ 'ਆਦਿ' ਵਿਚ ਨਲੀਏਰ ਵਧਾ ਦਿਤੇ ਜਾਣ।
(੯) ਹੈਡਿੰਗ ਕੜਾਹ ਪ੍ਰਸ਼ਾਦਿ ਦੇ ਅੰਕ (e) ਵਿਚ "ਪੰਜਾ ਪਿਆਰਿਆਂ ਦਾ ਗਫਾ ਤੋਂ ਅਗੇ ਲਫ਼ਜ਼ "ਕੱਢਿਆ ਜਾਏ, ਤੋਂ ਲੈ ਕੇ ਸਾਰੀ ਸੰਗਤ ਵਿਚ ਵਰਤਾ ਦੇਵੇ ਤਕ" ਕਟ ਦਿਤੇ ਜਾਣ ਤੇ ਇਨਾਂ੍ਹ ਦੀ ਥਾਂ ਅਗੇ ਦਰਕ ਲਫ਼ਜ਼ ਕਰ ਦਿਤੇ ਜਾਣ:- ਕਢ ਕੇ ਵਰਤਾਇਆ ਜਾਵੇ, aਪਰੰਤ।
(੧੦) ਹੈਡਿੰਗ ਜਨਮ ਤੇ ਮਰਨ ਸੰਸਕਾਰ ਦਾ ਅੰਕ (ਉ) ਸਾਰਾ ਕਟ ਦਿੱਤਾ ਕਾਵੇ ਤੇ ਅੰਕ (ਅ) ਨੂੰ (a), (e) ਨੂੰ (ਅ) ਤੇ (ਸ) ਨੂੰ (e) ਕਰ ਦਿੱਤਾ ਜਾਵੇ ਅਤੇ ਨਵੇਂ ਅੰਕ (ਉ) ਦੇ ਸ਼ਰੂ ਦੇ ਲਫ਼ਜ਼ਾਂ ਤੋਂ ਪਹਿਲੇ ਲਫ਼ਜ਼ "ਸਿਖ ਦੇ ਘਰ ਬਾਲਕ ਦਾ ਜਨਮ ਹੋਣ ਮਗਰੋਂ ਵਧਾ ਦਿਤੇ ਜਾਣ।
(੧੧) ਹੈਡਿੰਗ ਅਨੰਦ ਸੰਸਕਾਰ ਦਾ ਮੌਜੂਦਾ ਅੰਕ (੨) ਹੇਠ ਲਿਖੇ ਅਨੁਸਾਰ ਕਰ ਦਿਤਾ ਜਾਵੇ।(੨) ਆਮ ਹਾਲਾਤਾਂ ਵਿਚ ਸਿੱਖ ਨੂੰ ਇਕ ਇਸਤਰੀ ਦੇ ਹੁੰਦਿਆ ਦੂਜਾ ਵਿਆਹ ਨਹੀਂ ਕਰਨਾ ਚਾਹੀਦਾ"
ਨੇਟ: ਇਸ ਅੰਕ ਤੇ ਬਹਿਸ ਦੇ ਦੌਰਾਨ ਪ੍ਰੋ. ਸ਼ੇਰ ਸਿੰਘ ਜੀ ਇਕੱਤਰਤਾ ਵਿਚੋਂ ਚਲੇ ਗਏ ਸਨ।ਪ੍ਰੋ. ਤੇਜਾ ਸਿੰਘ ਜੀ ਅਤੇ ਅੱਛਰ ਸਿੰਘ ਜੀ ਨੇ ਇਸ ਤਬਦੀਲੀ ਵਿਰੁਧ ਆਪਣੀ ਅਸੰਮਤੀ ਨੋਟ ਕਰਵਾਈ।
(੧੨) ਹੈਡਿੰਗ ਸੇਵਾ ਦਾ ਅੰਕ (ਅ) ਕਟ ਦਿਤਾ ਜਾਵੇ।
(੧੩) ਹੈਡਿੰਗ ਅੰਮ੍ਰਿਤ ਸੰਸਕਾਰ ਦੇ ਅੰਕ (ਸ) ਦੀ ਤੀਜੀ ਲਾਈਨ ਵਿਚ ਲਫ਼ਜ਼ "ਜੋ ਸਿਖੀ ਧਰਮ ਗ੍ਰਹਿਣ ਕਰਨ ਤੇ ਉਸ ਦੇ ਅਸੂਲਾਂ ਉਪਰ ਚਲਣ ਦਾ ਚਾਹਵਾਨ ਹੋਵੇ" ਦੀ ਥਾਂ "ਜੋ ਸਿਖੀ ਧਰਮ ਗ੍ਰਹਿਣ ਕਰਨ ਤੇ ਉਸਦੇ ਅਸੂਲਾਂ ਉਪਰ ਚਲਣ ਦਾ ਪ੍ਰਣ ਕਰੇ" ਕਰ ਦਿੱਤੇ ਜਾਣ।ਇਸ ਅੰਕ ਵਿਚ "ਕਿਰਪਾਨ ਗਾਤਰੇ ਵਾਲੀ" ਵਿਚੋਂ ਲਫ਼ਜ਼ "ਵਾਲੀ" ਕਟ ਦਿਤੇ ਜਾਣ।
(੧੪) ਹੈਡਿੰਗ ਅੰਮ੍ਰਿਤ ਸੰਸਕਾਰ ਦੇ ਅੰਕ (੨) ਵਿਚ ਲਫ਼ਜ਼ 'ਵਾਹਿਗੁਰੂ ਦਾ ਸਰੂਪ ਦਸਣ ਲਈ" ਦੀ ਥਾਂ ਲਫ਼ਜ਼ "ਵਾਹਿਗੁਰੂ ਦਾ ਨਾਮ ਦਸਕੇ" ਕਰ ਦਿੱਤੇ ਜਾਣ।
(੧੫) ਹੈਡਿੰਗ ਅੰਮ੍ਰਿਤ ਸੰਸਕਾਰ ਦੇ ਅੰਕ (੨) ਦੇ ਆਖਰੀ ਵਿਕਰੇ ਵਿਚੋਂ ਲਫ਼ਜ਼ "ਉਸੇ ਇਕ ਬਾਟੇ ਵਿਚੋਂ" ਕਟ ਦਿਤੇ ਜਾਣ।
(੧੬) ਹੈਡਿੰਗ ਅੰਮ੍ਰਿਤ ਸੰਸਕਾਰ ਦੇ ਅੰਕ (ਡ) ਦੇ ਲਘੂਅੰਕ (੩) ਵਿਚੋਂ ਲਫ਼ਜ਼ "ਚਿਟੇ ਚੁਗਣ ਵਾਲਾ" ਕਟ ਦਿਤੇ ਜਾਣ।
(੧੭) ਹੈਡਿੰਗ ਪੰਥਕ ਰਹਿਣੀ ਦੇ ਅੰਕ (੧) ਵਿਚ ਲਫ਼ਜ਼ "ਗੁਰੂ ਸੰਗਤ ਤੇ" ਕਟ ਦਿਤੇ ਜਾਣ।ਇਸੇ ਤਰਾਂ ਹੈਡਿੰਗ 'ਗੁਰ ਸੰਗਤ ਤੇ ਗੁਰੂ ਪੰਥ' ਦੀ ਥਾਂ ਕੇਵਲ ਗੁਰੂ ਪੰਥ ਕਰ ਦਿਤੇ ਜਾਣ।ਇਸ ਹੈਡਿੰਗ ਦੇ ਅੰਕ (ਅ) (e) ਤੇ (ਸ) ਕਟ ਦਿਤੇ ਜਾਣ।…

ਸਹੀ ਰਵੇਲ ਸਿੰਘ,
ਮੀਤ ਸਕੱਤਰ"

ਮਿਤੀ ੦੭.੦੧ ੧੯੪੫ ਵਿਚ ਹੋਏ ਵਾਧੇ ਘਾਟਿਆਂ ਦੀ ਪੜਤਾਲ ਤੋਂ ਸਪਸ਼ਟ ਹੁੰਦਾ ਹੈ ਕਿ ਇਹ ਵਾਧੇ ਘਾਟੇ ਕਿਸ ਕਿਸਮ (Nature) ਦੇ ਸਨ।ਬੜੇ ਅਚੰਭੇ ਦੀ ਗਲ ਹੈ ਕਿ ਰਹਿਤ ਮਰਿਆਦਾ ਦੇ ਆਰੰਭ ਵਿਚ ਸਾਫ਼ਗੋਈ ਨਾਲ "ਵਾਧੇ ਘਾਟੇ" ਬਾਰੇ ਦਿੱਤੀ ਹੋਈ ਸੂਚਨਾ ਨੂੰ ਕੁੱਝ ਸੱਜਣਾ ਨੇ, ਬਿਨਾਂ੍ਹ ਪੜਤਾਲ ਕੀਤੇ, ਗਲਤ ਢੰਗ ਨਾਲ ਇਸਤੇਮਾਲ ਕਰਦੇ ਉਨਾਂ੍ਹ ਵਾਧੇ ਘਾਟਿਆਂ ਨੂੰ ਲੇ ਲੇ ਇਕ "ਵੱਡੀ ਸਾਜਿਸ਼ ਅਤੇ ਸਮਝੋਤਾਵਾਦੀ" ਥਿਯੂਰੀ ਘੜਨ ਦਾ ਜਤਨ ਕੀਤਾ ਹੈ।ਇਨਸਾਨ ਗਲਤਿਆਂ ਦਾ ਪੁਤਲਾ ਕਿਹਾ ਜਾਂਦਾ ਹੈ ਪਰ ਗਲਤ ਢੰਗ ਨਾਲ ਆਪਣੇ ਵਿਰਸੇ ਵਿਚ ਹੋਏ ਸਿੱਖ ਵਿਦਵਾਨਾਂ/ਫ਼ੈਸਲਿਆਂ ਬਾਰੇ ਝੂਠੀਆਂ ਕਿਆਸਰਾਈਆਂ ਦੇ ਪਰਦੇ ਉਸਾਰਨੇ ਸਿਆਣਪ ਨਹੀਂ।ਇਸ ਥਿਯੂਰੀ ਵਿਚ ਵੀ ਕੋਈ ਦਮ ਨਹੀਂ ਪ੍ਰਤੀਤ ਹੁੰਦਾ  ਕਿ ਸ਼ਬਦ ਗੁਰੂ ਗ੍ਰੰਥ ਸਾਹਿਬ ਤੋਂ ਬਾਹਰ ਦੀਆਂ ਰਚਨਾਵਾਂ ਸਾਜਸ਼ ਅਧੀਨ ੧੯੪੫ ਵਿਚ ਕੀਤੇ ਵਾਧੇ ਘਾਟਿਆਂ ਰਾਹੀਂ ਕੋਮ ਦੇ ਗਲ ਪਾਈਆਂ ਗਈਆਂ ਸਨ।
ਸਹਿਮਤੀ-ਅਸਹਿਮਤੀ ਹੋਣਾ ਇਕ ਵੱਖਰੀ ਗਲ ਹੈ ਪਰ ਝੂਠੇ ਪ੍ਰਚਾਰ ਦੀ ਪਰਦਾਦਾਰੀ ਅਤੇ ਝੂਠੇ ਪ੍ਰਚਾਰ ਤੇ ਯਕੀਨ ਕਰ ਲੇਣਾਂ ਗੁਰਮਤ ਨਹੀਂ।ਆਸ ਹੈ ਕਿ ਇਨਾਂ੍ਹ ਤੱਥਾਂ ਰਾਹੀਂ ਸਿੱਖ ਰਹਿਤ ਮਰਿਆਦਾ ੧੯੪੫ ਬਾਰੇ ਗਲਤ ਬਿਆਨਿਆਂ ਦੇ ਪਰਦੇ ਫ਼ਾਸ਼ ਹੋਣਗੇ ਅਤੇ ਜਾਗਰੂਕਾਂ ਵਿਚ ਗੁਰਮਤਿ ਅਨੁਸਾਰ ਪਹਿਲਾਂ ਤੋਲ ਕੇ ਫਿਰ ਬੋਲਣ/ਲਿਖਣ/ਸਮਝਣ ਦੀ ਪ੍ਰਵਿਰਤੀ ਉਸਰੇਗੀ।ਜਿੱਤੀ ਹੋਈ ਲੜਾਈ ਨੂੰ ਆਪਣੀ ਹਾਰ ਐਲਾਨ ਕੇ ਮੁੜ ਲੜਾਈ ਛੇਣਨੀ ਅਤੇ ਆਪਣੀ ਜਿੱਤ ਦੇ ਮਸੋਦਿਆਂ ਨੂੰ ਆਪ ਫ਼ਾੜ ਕੇ ਪਰੇ ਸੁੱਟ ਦੇਣਾ ਸਿਆਣਪ ਨਹੀਂ ਹੁੰਦੀ।ਲੋੜ ਤਾਂ ਜਿੱਤ ਦੇ ਮਸੋਦਿਆਂ ਨੂੰ ਸੁਚੱਜੇ ਢੰਗ ਨਾਲ ਲਾਗੂ ਕਰਨ ਦੀ ਹੈ।
ਇਸ ਵਿਸ਼ੇ ਬਾਬਤ ਦਾਸ ਹੋਰ ਨਵੀਂ ਜਾਣਕਾਰੀ ਪ੍ਰਾਪਤ ਹੋਂਣ ਤੇ ਉਸ ਨੂੰ ਪਾਠਕਾਂ ਨਾਲ ਸਾਂਝੀ ਕਰਨ ਦਾ ਜਤਨ ਕਰੇਗਾ।
ਮਿਤੀ ੦੭.੦੧.੧੯੪੫ ਨੂੰ ਧਾਰਮਿਕ ਸਲਾਹਕਾਰ ਕਮੇਟੀ ਦੀ ਕਾਰਵਾਈ ਨੂੰ ਟਾਈਪ ਕਰਦੇ ਹੋਈ ਕਿਸੇ ਭੁੱਲ-ਚੂਕ ਲਈ ਛਿਮਾਂ ਦਾ ਜਾਚਕ ਸਮਝਣਾ!
ਹਰਦੇਵ ਸਿੰਘ, ਜੰਮੂ
03.01.2012