NOTE:- This article is to comunicate some considerations to few brothers who relate the parts of Nitneym/Ardas with garbage and hold present system responsible for every decison taken by our elders of Singh Sabha Lehar. Their heresy are used for the purpose BUT This is not to comment on Dhunda Ji.
ਮੱਸੇ ਰੰਗੜ?
ਹਰਦੇਵ ਸਿੰਘ,ਜੰਮੂ
ਮੁੱਖ ਦੋਸ਼; ਦਰਬਾਰ ਸਾਹਿਬ ਦੇ ਸਤਿਕਾਰ ਨੂੰ ਚੁਨੌਤੀ!
ਚੁਨੌਤੀ ਦਾ ਮੁੱਖ ਰੂਪ; ਦਰਬਾਰ ਸਾਹਿਬ ਤੋਂ ਸ਼ਬਦ ਗੁਰੂ ਗ੍ਰੰਥ ਦੇ ਪ੍ਰਕਾਸ਼ ਨੂੰ ਹਟਾ ਕੇ ਸ਼ਰਾਬ ਪੀਣਾਂ ਅਤੇ ਨਾਚ ਨਚਵਾਉਂਣਾ! ਬੱਸ! ਅਪਣੇ ਘਰ ਬੈਠ ਸ਼ਰਾਬ ਪੀਦਾ , ਨਾਚ ਵੇਖਦਾ ਤਾਂ ਸੁੱਖਾ ਸਿੰਘ ਜੀ ਨੂੰ ਕੋਈ ਇਤਰਾਜ਼ ਨਹੀਂ ਸੀ।ਮਿਲ ਜਾਂਦਾ ਤਾਂ ਇਤਨਾ ਹੀ ਕਹਿਣਾ ਬਣਦਾ ਹੀ ਸੀ ਕਿ ਭਾਈ ਮੱਸਾ ਰੰਗੜ ਜਿਸ ਨੂੰ ਪੀਣ ਨਾਲ ਮਤ ਦੂਰ ਹੋਵੇ ਉਹ ਨਾ ਪੀਆ ਕਰ।ਪਰਾਏ ਰੂਪ ਤੇ ਵੀ ਅੱਖ ਨਾ ਰੱਖਿਆ ਕਰ।ਖ਼ੈਰ!
ਨਤੀਜਾ; ਗੁਰੂ ਕੇ ਸਿੱਖਾਂ ਦੇ ਨੇਜਿਆਂ ਤੇ ਸਿਰ ਟੰਗਿਆ ਗਿਆ!
ਕਿਸੇ ਜਿਗਿਆਸੂ ਨੂੰ ਪਤਾ ਚਲਿਆ ਕਿ ਕਹਿੰਦੇ ਹਨ ਨਵੇਂ ਮੱਸੇ ਰੰਗੜ ਪੈਦਾ ਹੋ ਗਏ ਹਨ।ਕੋਂਣ?
ਵੀਰ ਜੀ ਦਰਬਾਰ ਸਾਹਿਬ ਦਾ ਪ੍ਰਬੰਧ ਚਲਾਉਂਣ ਵਾਲੇ!
ਨਵੀਂਆਂ ਵੇਸਵਾਵਾਂ ਵੀ ਪੈਦਾ ਹੋ ਗਈਆਂ ਹਨ!
ਕੋਂਣ? ਚਲੋ ਛੱਡੋ! ਇਸ ਗਲ ਨੂੰ ਰਹਿਣ ਦੇਉ ਕਿਉਂਕਿ ਮੱਸਾ ਰੰਗੜ ਵਲੋਂ ਆਈ ਚੁਨੌਤੀ ਗੁਰਸਿੱਖਾਂ ਨੇ ਵੇਸਵਾਵਾਂ ਦੇ ਸਿਰਾਂ ਤੇ ਤਾਂ ਨਹੀਂ ਸੀ ਨਜਿੱਠੀ। ਇਸ ਲਈ ਕਿਸੇ ਦੀ ਧੀ-ਭੇਂਣ ਨੂੰ ਵੇਸਵਾ ਪ੍ਰਸੰਗ ਵਿਚ ਘਸੀਟਣਾ ਚੰਗਾ ਨਹੀਂ।ਇਸਤਰੀ ਬਾਰੇ ਗੁਰੂ ਨਾਨਕ ਦੇ ਵਿਚਾਰਾਂ ਨੂੰ ਧਿਆਨ ਵਿਚ ਰੱਖਣਾ ਚਾਹੀਦਾ ਹੈ ਅਤੇ ਨਾਲ ਹੀ ਵਿਚਾਰ ਵਟਾਂਦਰੇ ਦੇ ਮਿਆਰ ਨੂੰ ਵੀ।
ਇਸ ਲਈ ਗਲ ਰਚਨਾਵਾਂ ਦੀ ਹੀ ਕਰਦੇ ਹਾਂ!
ਵੀਰ ਜੀ ਰਚਨਾਵਾਂ ਵਿਵਾਦਤ ਗ੍ਰੰਥ ਵਿਚ ਲਿਖਿਆਂ ਹੋਈਆਂ ਹਨ।ਇਸ ਲਈ ਸਭ ਗੰਦ ਹੈ। ਪੜਾਉਂਣ ਵਾਲੇ ਮੱਸੇ ਰੰਗੜ ਹਨ।ਪੜਨ-ਸੁਣਨ ਵਾਲਿਆਂ ਬਾਰੇ ਅੱਜੇ ਚਰਚਾ ਨਹੀਂ ਹੋਈ ਕਿ ਉਹ ਕੋਂਣ ਹਨ।ਇਸ ਹਿਸਾਬ ਨਾਲ ਹਰ ਗੁਰਦੁਆਰੇ ਹਰ ਦਰਬਾਰ ਵਿਚ ਗੰਦ ਪਵਾਉਂਣ ਵਾਲੇ ਮੱਸੇ ਰੰਗੜ ਹਨ।ਅਸੀਂ ਤਾਂ ਉਸੇ ਦਰਬਾਰ ਦੀ ਗਲ ਕਰਦੇ ਹਾਂ!
ਚਲੋ ਤਰਕ ਹੈ ਵਿਚਾਰ ਲੇਂਣਾ ਚਾਹੀਦਾ ਹੈ!
ਐਸਾ ਪ੍ਰਬੰਧਕ ਕੋਂਣ ਹੈ ਜਿਸ ਨੇ ਇਨਾਂ੍ਹ ਰਚਨਾਵਾਂ ਨੂੰ ਪੜਾਉਂਣ ਦਾ ਕੰਮ ਆਰੰਭ ਕੀਤਾ ਹੈ?ਜ਼ਰਾ ਉਸ ਕਸੂਰਵਾਰ ਦਾ ਹੀ ਸਿਰ ਦਰਦ ਠੀਕ ਕਰੀਏ!
ਨਹੀਂ ਜੀ! ਇਸਦਾ ਵਿਧੀਵਤ ਆਰੰਭ ਤਾਂ ੧੯੪੫ ਵਿੱਚ ਹੋਇਆ! ਸਾਜਸ਼ਾਂ ਵੀ ਹੋਇਆਂ ਅਤੇ ਸਮਝੌਤੇ ਵੀ!
ਵੀਰੋ ਇਹ ਵਿਧੀ ਕਿਸਨੇ ਬਣਾਈ ?
ਜੀ ਸਿੰਘ ਸਭਾ ਲਹਿਰ ਦੇ ਵਿਦਨਾਵਾਂ ਨੇ ਜਿਨਾਂ੍ਹ ਵਿਚ ਭਾਈ ਕਾਨ੍ਹ ਸਿੰਘ ਨਾਭਾ, ਪੋ. ਸਾਹਿਬ ਸਿੰਘ, ਪ੍ਰੋ. ਗੁਰਮੁੱਖ ਸਿੰਘ, ਪ੍ਰਿ. ਤੇਜਾ ਸਿੰਘ ਜੀ ਵਰਗੇ ਵਿਦਵਾਨ ਸ਼ਾਮਲ ਸਨ।ਉਨਾਂ੍ਹ ਇਸ ਬਾਰੇ ਸਮਝੌਤੇ ਕਰ ਲਏ ਸੀ ਜੀ! 'ਉਹ' ਵਿਚਾਰੇ ਸੁਹਿਰਦ, ਸਿਆਣੇ ਅਤੇ ਸਾਫ਼ ਤਾਂ ਬੜੇ ਸਨ ਪਰ ਹਰ ਪਾਸੇ ਗੰਦ ਪਾ ਗਏ!ਉਹ ਤਾਂ ਸਾਰੇ ਅਕਾਲ ਚਲਾਣਾ ਕਰ ਗਏ ਹਨ!
ਅੱਛਾ!! ਹੋਰ ਕੀ ਕੀ ਗਲਤ ਕੀਤਾ ਉਨਾਂ੍ਹ ਵਿਦਵਾਨਾ ਨੇ?
ਜੀ ਇਤਹਾਸ ਗਲਤ ਕਰ ਗਏ, ਅਕਾਲ ਤਖ਼ਤ ਗਲਤ ਕਰ ਗਏ, ਅਰਦਾਸ ਗਲਤ ਕਰ ਗਏ,ਨਿਤਨੇਮ ਗਲਤ ਕਰ ਗਏ, ਹਰਿਤ ਮਰਿਆਦਾ ਗਲਤ ਕਰ ਗਏ ਅਤੇ ਗੁਰੂ ਤਕ ਵੀ "ਗਲਤ" ਕਰ ਗਏ!!!
ਇਨਾਂ ਕੁੱਝ ਗਲਤ ਤਾਂ ਕੋਈ ਅਤਿ ਦਾ ਦੁਸ਼ਟ ਹੀ ਕਰ ਸਦਕਾ ਹੈ ਗੁਰਸਿੱਖ ਵਿਦਵਾਨ ਨਹੀਂ।ਫ਼ਿਰ ਉਹ ਵਿਦਵਾਨ ਕਿਵੇਂ ਹੋਏ?ਉਨਾਂ੍ਹ ਐਸੀ ਘੋਰ ਤੌਹੀਨ ਕਿਵੇਂ ਕੀਤੀ ? ਉਹ ਤਾਂ ਮੱਸੇ ਰੰਗੜ ਤੋਂ ਵੀ ਵੱਧ ਨਹੀਂ ਸਨ ? ਫ਼ਿਰ ਤੁਸਾਂ ਥਾਂ ਪਰ ਥਾਂ ਉਨਾਂ ਦਿਆਂ ਫ਼ੋਟੁਆਂ ਕਿਵੇਂ ਲਾਈਆਂ-ਛਾਪਿਆਂ ਹਨ? ਸਾਜਸ਼-ਸਮਝੌਤੇ ਫ਼ਿਰ ਵੀ ਸਤਿਕਾਰ, ਪ੍ਰਸ਼ੰਸਾ ਅਤੇ ਫ਼ੌਟੁਆਂ ਤੇ ਇਸ ਵਿਸ਼ੇ ਤੇ ਘੜਾ ਅੱਜ ਦੇ ਪ੍ਰਬੰਧਕਾਂ ਸਿਰ ?
(ਪਾਸਾ ਵੱਟਦੇ ਹੋਏ) ਉਹ ਨਹੀਂ ਨਹੀਂ ਜੀ! ਸਾਜਸ਼ ਦਾ ਸਬੂਤ ਨਹੀਂ ਜੀ! ਸਮਝੋਤਿਆਂ ਦੀ ਗਲ ਸਪਸ਼ਟ ਨਹੀਂ ਹੈ ! ਆਇਡੀਆ ਹੈ! ਦਰਅਸਲ ਉਹ ਜਾਣਦੇ ਹੀ ਨਹੀਂ ਸਨ।ਬੜੇ ਸਮਰਪਿਤ ਅਤੇ ਮਹਾਨ ਵਿਦਵਾਨ ਸਨ ਪਰ ਇਸ ਬਾਰੇ ਪਤਾ ਕੁੱਝ ਨਹੀਂ ਸੀ ਵਚਾਰਿਆਂ ਨੂੰ !ਅਭੁੱਲ ਤਾਂ ਕੇਵਲ ਕਰਤਾਰ ਹੈ!
ਉਹ ਅੱਛਾ!ਪਰ ਅੱਜ ਦੇ ਪ੍ਰਬੰਧਕ ਸਭ ਜਾਣਦੇ ਹਨ?
ਜੀ ਹਾਂ ਅਸੀਂ ਲੇਖ ਲਿਖ-ਲਿਖ ਕੇ ਜਾਣਕਾਰੀ ਦਿੱਤੀ ਹੈ!ਫ਼ਿਰ ਵੀ ਉਹ ਇਸ ਵਿਸ਼ੇ ਤੇ ਅਭੁੱਲ ਨਹੀਂ ਹੁੰਦੇ ਪਏ!
ਤੁਹਾਨੂ ਇਹ ਜਾਣਕਾਰੀ ਕਿੱਥੋਂ ਮਿਲੀ ਹੈ ਵੀਰੋ?
ਜੀ ਬੜੀ ਖੌਜ ਹੋਈ ਹੈ।ਸਾਨੂੰ ਵੀ ਕਿਸੇ ਨੇ ਦੱਸਿਆ ਹੈ।ਅਸੀਂ ਵੀ ਕਿਸੇ ਦਾ ਪੜਿਆ ਹੈ।ਉਨਾਂ੍ਹ ਦਾ ਹੀ ਲਿਖੀਆ ਅੱਗੇ ਤੋਰੀ ਜਾਂਦੇ ਹਾਂ!
ਨਵੇਂ ਖੋਜੀ ਅਭੁੱਲ ਹਨ?
ਨਹੀਂ ਜੀ! ਇਹ ਤਾਂ ਨਹੀਂ ਕਹਿ ਸਕਦੇ! ਅਭੁੱਲ ਤਾਂ ਕੇਵਲ ਕਰਤਾਰ ਹੈ!
ਉਹ ਪਹਿਲੇ ਵਿਦਵਾਨਾਂ ਨਾਲੋਂ ਸਿਆਣੇ ਖੌਜੀ ਹਨ?
ਵੀਰ ਜੀ ਨਹੀਂ ਇਹ ਤਾਂ ਨਹੀਂ ਕਹਿ ਸਕਦੇ ਪਰ ਖੌਜ ਹੋਈ ਹੈ ਜੀ। ਗਿਣਤੀਆਂ-ਮਿਣਤਿਆਂ ਵੀ ਹੋਈਆਂ ਨੇ।ਸ਼ਰਤਾਂ ਲੱਗੀਆਂ ਨੇ!ਅਸੀਂ ਪੜਿਆ ਹੈ ਜੀ।
ਤੁਸੀ ਸਾਰੇ ਅਭੁੱਲ ਹੋ?
ਵੀਰ ਜੀ ਨਹੀਂ ਅਸੀਂ ਤਾਂ ਕਦੇ ਇਸਦਾ ਕੋਈ ਦਾਵਾ ਨਹੀਂ ਕੀਤਾ! ਪਰ ਸਾਨੂੰ ਪਤਾ ਹੈ! ਸਾਡੇ ਆਇਡੀਏ ਕਦੇ ਗਲਤ ਨਹੀਂ ਹੋ ਸਕਦੇ!ਇਤਨਾ ਵਿਸ਼ਵਾਸ ਤਾਂ ਹੈ ਜੀ!
ਵੀਰੋ ਤੁਸੀ ਆਪ ਅਣਜਾਂਣ ਤਾਂ ਨਹੀ ? ਹੋ ਸਕਦਾ ਹੈ ਕਿ ਇਸ ਵਾਰੀ ਮੱਸਾ ਰੰਗੜ ਕੋਈ ਵਿਚਾਰ ਬਣ ਆਇਆ ਹੋਵੇ।ਸਾਰੇ ਸੁਚੇਤ ਵੀਰੋ ਘਰ ਬੈਠ ਕੇ ਇਸ ਸੰਭਾਵਨਾ ਤੇ ਵੀ ਵਿਚਾਰ ਕਰੋ! ਕਿਉਂਕਿ ਵਿਚਾਰਾਂ ਦੇ ਸਿਰ ਵਿਚਾਰਾਂ ਨਾਲ ਹੀ ਨਜਿੱਠੇ ਜਾਂਦੇ ਹਨ।
ਹਰਦੇਵ ਸਿੰਘ, ਜੰਮੂ
੧੮.੦੨.੨੦੧੨
No comments:
Post a Comment